التدخين من اكتر الحاجات اللي بتأثر سلبيا علي صحة المرأة الحامل و غير الحامل.

في المرأة الحامل :
الدم اللي بيوصل للجنين عن طريق الحبل السري بيقل عشان التدخين بيأثر علي جدران الاوعية الدموية و بيضعفها. قلة الدم و الغذاء للجنين بتسبب نقصان وزنه و زيادة احتمالية احتياحه لحضانة عند الولادة.

المرأة غير الحامل :

تتأثر جودة بويضاتها سلباً بالتدخين.

التدخين مش معناه ان الست هي اللي تكون بتدخن، لكنه يشمل كمان التدخين السلبي اللي هو التعرض لدخان المدخنين اللي حولنا او اللي عايشين معانا في نفس البيت. ننصح اي ست عايزة تحمل انها تبعد عن التدخين بأنواعه، و كل ما يبقي بدري كل ما يبقي أحسن عشان نعطي فرصة للجسم للتشافي و عكس آثار التدخين السلبية.

في الحمل محتاجه انك تركزي في كل حاجه بتاكليها أو بتشربيها  يعني في أكلات فيها حديد وكالسيوم بننصح انك تاكليها باستمرار زي : البيض ، السبانخ، العدس،اللحم ،الفاصوليا .
وبالنسبه للمشروبات ركزي علي شرب الماء بمعدل كافي يوميا والمشروبات الطبيعيه الصحيه وتجنبي المشروبات والعصائر المحفوظه .
تابعينا دايما عشان بنقدملك كل الي هتحتاجيه لسلامتك وسلامه الجنين منشن لصاحبتك أو أختك أو قريبتك وعرفيهم